Cynhadledd yr Hydref 2025: Dathlu Cymuned a Chydweithio ym Mhort Talbot
Cawsom amser gwych ym Mhort Talbot ar gyfer ein Cynhadledd Hydref. Er i’r rhagolygon ragweld glaw, ni ddaeth hynny i fodolaeth – yn hytrach, cawsom fore clir a llawn haul i gychwyn y diwrnod. Ein lleoliad oedd y New Plaza, sinema gynt sydd bellach wedi’i hadfer er defnydd cymunedol ar ôl gwaith adnewyddu gwerth £65 miliwn.
Roedd cymysgedd o aelodau a phartneriaid CYD Cymru yn bresennol ar y diwrnod, oll wedi ymgynnull i rwydweithio, cymdeithasu a dysgu gyda’i gilydd. Cynhaliwyd gweithdai drwy’r dydd ar ystod o bynciau:
-
Defnyddio gwerthoedd i lywio ein penderfyniadau strategol a’n dulliau gweithio
-
Clybiau Ceir Trydan – astudiaeth achos o gydfenter gymdeithasol
-
Lansio ein Hwb Adeiladau Cymunedol
-
Astudiaeth achos gan Wirfoddolwyr Cymunedol Splott a lansio ein Hadnodd Siopau Elusen
-
Cymunedau’n cymryd meddiant o adeiladau hanesyddol gyda’r Architectural Heritage Fund
-
Cyngor a chanllawiau ariannu gyda’r Gronfa Gymunedol y Loteri Genedlaethol
Roedd hi’n wych cael cyfle i sgwrsio ag aelodau hirsefydlog, cwrdd ag aelodau newydd, a chlywed sŵn y sgwrsio’n llenwi’r lle drwy’r dydd – rydym eisoes yn edrych ymlaen at yr un nesaf!
Y diwrnod wedyn, daethom ynghyd eto fel tîm staff i drafod y diwrnod prysur a chynllunio ymlaen ar gyfer ein rhaglenni a’n blaenoriaethau i gefnogi grwpiau ac aelodau ledled Cymru. Cawsom drafodaethau hynod gynhyrchiol am gyfleoedd ac anghenion yn y sector, ymgyrchoedd posibl, ac wrth gwrs, etholiadau’r Senedd sydd ar y gorwel.
Edrychwch ar y lluniau o’r diwrnod!

