Mae DTA Cymru yn chwilio am Fentoriaid Cymheiriaid i ymuno â’n rhaglenni presennol ac i ddod

Oes gennych chi brofiad Menter Gymdeithasol y gallech chi ei rannu â mentrau a grwpiau newydd eraill ledled Cymru?

Mae Mentoriaid Cymheiriaid wrth galon yr hyn yr ydym yn ei wneud yng Nghymdeithas Ymddiriedolaethau Datblygu (DTA) Cymru. Mae ein mentoriaid cymheiriaid yn cefnogi, grymuso a datblygu gallu grwpiau cymunedol i gyrraedd eu nodau.

Rydym am greu cronfa fentoriaid i gefnogi ystod o brosiectau, ac i adlewyrchu’n well anghenion ein rhaglenni presennol o ran y sgiliau, y sectorau, y lleoliadau daearyddol a’r profiad o weithio gyda grwpiau amrywiol yr ydym fwyfwy yn cael ein gofyn i gefnogi. Rydym yn chwilio am fentoriaid newydd sydd â phrofiad (mewn lleoliad menter gymunedol neu gymdeithasol) o;

Sgiliau – gallwch gefnogi grwpiau gydag unrhyw un o’r canlynol: Codi arian – ceisiadau a strategaeth Cynhyrchu incwm a strategaeth ariannol Datblygu a chynllunio busnes Trosglwyddo Asedau Cymunedol Adnoddau Dynol (HR) B2B Parodrwydd caffael

Sectorau – mae gennych wybodaeth am unrhyw un o’r sectorau hyn y gallai grwpiau fod yn gweithio ynddynt: Iechyd a Gofal Cymdeithasol Gwasanaethau Tyfu a Bwyd Gwasanaethau manwerthu, Chwaraeon a Thwristiaeth Rheoli Asedau Cymunedol / Eiddo Addysg a Hyfforddiant Newid Hinsawdd a Chynaliadwyedd

Amrywiaeth – mae gennych brofiad personol neu broffesiynol o weithio gydag unigolion sy’n nodi unrhyw un o’r canlynol: LGBTQIA+ Neuroamrywiaeth Cymunedau lleiafrif ethnig Anableddau (o bob math) Pobl gydag anfanteision Pobl Ifanc Iaith Gymraeg

 

Mae mentoriaid cymheiriaid yn cael eu talu am y gwaith mae nhw’n ei wneud. Gallent gael eu cynnal naill ai gan sefydliad trydydd sector neu drwy gontract uniongyrchol gan DTA Cymru. Nid oes unrhyw sicrwydd y bydd Mentor Cymheiriaid penodol yn derbyn unrhyw aseiniadau i gefnogi grŵp. Mae’r holl raglenni a gefnogir gan fentora yn cael eu harwain gan alw ac yn ymateb i geisiadau sy’n dod i’r amlwg.

Tâl:

Os ydym yn barnu bod eich sgiliau yn addas ar gyfer rhaglen newydd Busnes Cymdeithasol Cymru sy’n dechrau ar Ebrill 23 (a gyflwynir mewn partneriaeth â Chwmpas ac a ariennir gan Lywodraeth Cymru), naill ai fel mentor newydd neu fentor profiadol, byddan yn gofyn i chi fynychu cwrs sefydlu am 1.5 awr (mi gewch eich talu am hyn). Sesiwn i gael trosolwg o’r rhaglen a rhoi hwb i’ch sgiliau bydd hyn, ar ddydd Iau 30 Mawrth rhwng 09:30 ac 11am ar gyfer mentoriaid newydd, ac o 12 tan 13:30 ar gyfer mentoriaid DTA presennol.

Os ydych yn teimlo yr hoffech wneud cais i ymuno â’n cronfa o Fentoriaid Cymheiriaid, cysylltwch â ni ar info@dtawales.org.uk  gyda rhywfaint o wybodaeth amdanoch chi’ch hun fel y gallwn drefnu sgwrs fer ac anfon ffurflen gais.